【講一套，做一套！係咪同一套？ 】

早兩日教完水如常去附近茶餐廳食lunch, 見到對面個太太帶住小朋友一齊嚟食午餐。 小朋友點了叉燒飯，媽媽點了星洲炒米，食物來了，母子二人就各自開動！但情景卻非常有趣！

小朋友當然是大啖大啖把食物放入口，相反，媽媽就好細心咁將星洲炒米的配料如青紅椒同芽菜挑出來分類棄在一旁。不用一會，小朋友放下餐具，準備打機。媽媽就說：「食埋條菜呀，唔可以揀飲擇食！」

我差啲笑出聲。（忍住！）

小朋友指一指碟邊被遺棄的青椒芽菜，沒理媽媽就拿起電話打機了！

身教再一次勝過言教！小朋友的價值觀往往都是從父母身上建立出來，簡單如讓座、見面叫人、講「多謝！」… 如果父母輕視了自己的影響力（身教），到想糾正孩子行為問題時就要花上更多的唇舌（言教）和時間！

你的孩子如何，你的身教也必如何！